Um merkið
Öruggt val fyrir neytendur
Íslenskt staðfest er nýtt upprunamerki fyrir matvörur og blóm. Aðeins er heimilt að nota merkið á vörur sem eru framleiddar og pakkað á Íslandi. Merkið mun auðvelda neytendum að velja íslenskt, en til að mega nota merkið þurfa framleiðendur að ábyrgjast að hráefni sé íslenskt og framleiðsla hafi farið fram á Íslandi.
Markmið
- Auka sýnileika og markaðshlutdeild íslenskra afurða.
- Stuðla að því að íslenskar vörur rati á borð neytenda.
- Tengja neytendur betur við frumframleiðendur og auka verðmæti innlendra afurða.
- Fræða neytendur um kosti íslenskra matvæla og verslunar.
- Festa merkið í sessi sem óumdeilt upprunamerki sem má treysta.
